Ladis Galarzaren ordez ariko da, bigarrenez, Urrutikoetxearen alboan. Irribarria-Merino izango dituzte aurkari Urretxuko santalutzietan
Berria. Urretxuko Santa Luzia jaietako jaialdia pilota egutegiko egun berezi horietako bat da. Ederrena pilotalekua bete egingo da gaur (17:30), eta giro ona ziurtatuta dago. Azken bi urteetan, gainera, txapelketa partidak jokatu dira bertan, eta aurten ere binakakoaren ligaxka eraman dute bertara. Irribarria eta Merinok laugarren jardunaldiko lehen partida jokatuko dute Urrutikoetxea eta Aretxabaletaren aurka. Markinako atzelaria Ladis Galarzaren ordez ariko da bigarren astez jarraian.
