Hamazazpi pilotarik egin dute profesional mailako debuta azken bi urteetan: Aspe eta Asegarceko koadroen %36 dira. Hamar urtetik gorako ibilbidea, berriz, %8,5ek bakarrik dute.
Berria. Pilotazaleak aurpegi berriak nahi ditu. Berehala nekatzen da ezagutzen dituen pilotariekin». Pilota enpresetako ordezkariek azken urteetan elkarrizketa askotan esandako hitzak dira horiek. Pilotari koadroa etengabe eraldatzen ari dira talentu berrien bila, eta harrigarria izan da azken bi urteetako gaztetze prozesua. 2015eko ekainaz geroztik, hamazazpi pilotarik egin dute debuta profesionaletan, eta aurki iritsiko da hemezortzigarrena: Adur Lasa atzelaria, Asperekin.
