Egun batzuk lasai emateko gogotsu dago amezketarra, baina «txapel gosea» ez zaio inolaz ere ase
Gara. Pozarren eta lasai –eta egun batzuetan lasai egoteko gogotsu–, Jokin Altunak igandean irabazitako Buruz Buruko bere bigarren txapela gozatzen jarraitzen zuen atzo Amezketan. «Ez nuen halako ongietorririk espero. Udaletxean aurreskua ere egin zidaten eta udaletxera bertara igoarazi ninduten; bertso batzuek kantatu ere bai. Gero hitz batzuk esateko aukera izan nuen eta oso eskertuta nago», esan zuen txapeldunak.