Amezketarrak ez dio aukerarik eman Ezkurdiari. Neurketa parekatuta hasi da, baina azkar hautsi du Altunak. Lasoren aurka jokatuko du lau eta erdiko finala.
Berria. Altuna III.a ez omen zegoen bere unerik onenean. Hori zioten adituek, hori erakutsi du txapelketak, hala aitortu zuen pilotariak berak ere, baina esan zuen partidaren ostean: «Hemen jokatu egin behar da». Bestelako joeran iritsi zen Lau eta Erdiko Txapelketako finalerdira Joseba Ezkurdia; arbizuarra izan zen txapelketako pilotaririk onena —norgehiagokarik galdu gabe zen—, baina atzo ezin izan zion aurre egin Altunaren joari (22-10). Gipuzkoarrak jokatuko du finala Unai Lasoren aurka.
