Bilbon egindako entrenamenduaren ostean Jokin Altunak onartu du «arraroa» dela finalean aurkaria nor izango duen ez jakitea
Gara. Jokin Altunak entrenamendu gogorra egin zuen atzo goizean Bilboko Bizkaia pilotalekuan Victor Estebanen laguntzarekin, eta ondoren prentsaurrekoa eskaini zuen hilaren 20ra atzeratu den Buruz Buruko finalera begira dituen sentsazioak azaltzeko. Onartu zuen «arraroa» egiten dela noren aurka jokatuko duen ez jakitea, baina nahiago duela horretan gehiegi ez pentsatu eta ez diola presiorik sartu nahi bestela ere gaizki pasatzen ariko den Iñaki Artolari –alegiarrarekin telefonoz hitz egiteko aukera izan zuela eta «ukituta» sumatu zuela aitortu zuen–.
