Peio Etxeberria eta Unai Laso gustura dira igandeko finalerako pilotekin. Final parekatua espero dute, eta lasai hartuko dituzte hurrengo egunak
Unai Laso eta Peio Etxeberria prest dira igandeko lau eta erdiko finalerako (16:50, ETB1), baita partidako pilotak ere. Nortzuek jokatuko duten, horixe izango da, agian, finaleko berezitasunik handiena; Jokin Altunak ez baitu jokatuko. Azken zortzi finaletan izan da amezketarra, baina aurten ez da Bizkaia pilotalekuan izango (Bilbo), Lasok garaitu egin baitzuen finalerdian. Azkar batean hautatu dituzte gaur pilotak bai Peio Etxeberriak eta bai Lasok, eta azaldu dute gustura hartu dituztela. Peio Etxeberriak aukeratutakoek 104.8 eta 106,8 gramo pisatzen dute, eta Lasorenek, 105,3 eta 106,6 gramo. Final parekatua espero dute bi pilotariek.
Content retrieved from: https://www.berria.eus/kirola/azkar-aukeratu-dituzte-pilotak-lasok-eta-peio-etxeberriak_2133798_102.html.
