Bikuña lagun, hirukote baten aurka –Peio Etxeberria, Dario eta Tolosa– arituko da Zaratamokoa hilaren 19an
Gara. Binakakotik kanpo utzi eta gero, Danel Elezkano enpresako partidetan ematen ari den maila izugarria buruhauste bihurtzen ari da Aspeko intendenteentzat. Onenen arteko lehietatik kanpo, Peio Etxeberriaren aurka programatu dute Zaratamokoa bere azken bost partidetan eta denak irabazi ditu, azken biak erraz samar gainera; Pedro Ruizekin 18-5 Peio Etxeberria eta Tolosaren aurka astelehenean Eibarren, eta Erostarberekin 18-6 Zenotzekoa eta Bikuñaren aurka abenduaren 27an Tolosan.
