Beñat Garmendiak Peio Etxeberriarekin jokatuko du eta Oier Etxebarriak AitorElordirekin. Jon Alberdi eta Pedro Ruizentzat ere lehen txapelketa izango da
Gara. Aspek eta Asegarcek atzo aurkeztu zuten Binakako Promozio Txapelketaren edizio berri bat. Iazko egiturari jarraipena emango diote eta zortzi bikotek hartuko dute parte. Lehen ligaxkan denek denen aurka jokatuko dute itzuli bakarrera eta lau onenek finalerdietako ligaxka jokatzeko sailkapena lortuko dute. Gero, bigarren fase horretako bi onenek finalerako txartela eskuratuko dute. Eta finala, printzipioz, martxoaren 31ko astebururako dago aurreikusia.
