Altunak ohitura bihurtu du

Amezketakoak aski izan du eraginkortasunez jokatzea Ezkurdiari irabazteko, eta laugarren aldiz buruz buruko finalerako sailkatzeko. Gaur jakingo du noren aurka ariko den: Dario edo Elordi

Distiratsu ez jokatuta ere, irabazi. Kirolari handien esku soilik dagoen ohitura da hori, eta zaku horretan sar daiteke Jokin Altuna. Buruz buruko beste final baterako sailkatu zen atzo, Joseba Ezkurdiari aise irabazita, Iruñeko Labriten: 22-12. Egunik onena ez izanda ere, joko praktikoa egin eta eraginkortasunez aritzea aski izan zuen amezketarrak helburua lortzeko. Hasi eta buka, nahi erara kontrolatu zuen partida, eta une bakar batean ere ez zuen arriskuan ikusi garaipena. Sake eta sake-errematean min handia egin zuen, eta laugarren aldiz jokatuko du buruz buruko finala. Oraindik 27 urte soilik dituela aintzat hartuta, zenbaki handietan murgiltzen ari da. Gaur jakingo du noren aurka jokatu beharko duen: Dario Gomezen edo Aitor Elordiren kontra.

+ info: https://www.berria.eus/paperekoa/1944/029/001/2023-05-21/altunak-ohitura-bihurtu-du.htm.

Etiquetas / Etiketak: altuna III, ezkurdia
Previous Post
Altuna III jugará su cuarta final del Manomanista
Next Post
Aitor Elordi, finalista del Manomanista