Urrutikoetxeak esan du Imazi eta biei «indarra eta konfiantza» eman diela Altuna-Mariezkurrenari 21-13 bat iraulita irabazteak. «Oso estu» ikusten du sailkapena. «Gure esku dago, baina edozer gerta daiteke»
Berria. Tentsio eta emozio festa izan zen astelehen gauean Getariako (Gipuzkoa) Sahatsaga pilotalekuan. Horregatik, Mikel Urrutikoetxeak (Zaratamo, Bizkaia, 1989) aitortu du «kosta» egin zitzaiola lo hartzea. Esnatu, ordea, «gustura» esnatu zen. «Oso garaipen garrantzitsua lortu genuen kanporaketarako sailkatzeko lehian».
