Bilbo final handiaren zain

Rezusta eta Altuna III.a prest daude bihar buruz buruko txapela jokatzeko

ASPEpelota.eus. Rezustak bihar eskuratu dezake buruz buruko lehen txapela. Altuna III.ak eskura du 2018ko titulua berrestea. Bergarakoak bazekien une hau irits zitekeela, horregatik entrenatzen jarraitu du txapelketa berarentzat amaitu ez balitz bezala. Amezketakoak duela egun batzuk imajinatu zuen nor izango zuen aurrez aurre titulua jokatzen.

Biak garaipen gosez iritsiko dira Bizkaia Frontoira, pilotalekuetako ikusleen berotasuna sentitu ezin izan duten urte honetan, baina pilotazaleek euren bikaintasun distirak irentsi dituzte Euskal Telebistako emanaldien bidez. Pilotariak fisikoki urrunago izan ditugun denboraldia izan da, baina, harrigarria bada ere, gertuago sentitu ditugu.

Jaialdia arratsaldeko bostetan hasiko da Victor eta Ladis Galarza, Peña II eta Imazen aurka. Zuzenean jarraitu ahal izango da, bai Euskal Telebistaren lehen kanalaren bidez, bai edonondik Internetera konektatutako edozein gailurekin.

Buruz buruko finalaren ostean Zabala eta Ruiz arituko dira Zubizarreta III eta Uriondorekin.

Etiquetas / Etiketak: altuna III, Rezusta
Previous Post
Adelante con el plan B
Next Post
Altuna: “La felicidad de uno no puede depender de si ganas o no ganas un partido de pelota”