Mikel Urrutikoetxeak eta Oinatz Bengoetxeak buruz burukoaren lehen finalerdia jokatuko dute gaur, Iruñean. Apustuak, Zaratamokoaren alde
Berria. Sekretu gutxi dago euren artean dagoeneko. Oinatz Bengoetxeak eta Mikel Urrutikoetxeak buruz buruko txapelketako lehen finalerdia jokatuko dute gaur, Iruñean (17:00), eta ezusteko taktikorako tarte gutxi dago. Izan ere, Urrutikoetxeak txapelen lehian bi urte daramatzan arren —2015ean jokatu zuen lehen finala—, dagoeneko hainbatetan egin dute topo Asegarceko bi aurrelariek, hala buruz buru nola lau t’erdian. Balantzea Bengoetxearen aldekoa da, baina gaur apustuak Urrutikoetxearen alde irtengo dira; hori bai, ez alde handiz (100-70i).
