Ezkurdia-Martijak Galarzaren hutsak aprobetxatu dituzte hirugarren partida jarraian irabazteko: 22-18. Eguneko beste lehian, Jaka-Zabaletak 22-16 hartu dituzte mendean Irribarria-Zabaleta
Berria. Gorantz doaz Joseba Ezkurdia eta Julen Martija, abiada hartuta. Irabazi egin dituzte jokatutako azken hiru partidak. Danel Elezkano eta Ladis Galarza izan dira mendean hartu dituzten azkenak. 22-18 irabazi zieten atzo Iruñean, Labriten. Horri esker, jada bigarren postuan dira Binakako Txapelketaren lehen ligaxkako sailkapenean: bost garaipen eskuratu dituzte zortzi jardunaldietan.