Abel Barriolak eta berak emaitzek erakusten dutena baino txapelketa hobea egin dutela uste du Altunak, eta lesioen zorte txarrari egotzi dio azken asteetako bolada txarra. Buruz burukoa ondo prestatu nahi du
Berria. Goiz lasaia izan du, arratsaldean entrenamendua egingo baitu pilotalekuan. Lan fisikorik ere ez, astean hirutan egiten badu ere. Debutatu zuenetik, Jokin Altunak (Amezketa, Gipuzkoa, 1996) aldea egin du gorputzean. Jende askok esan dio. «Nik argazkietan sumatzen dut aldaketa, duela bi urtetik hona. Horretarako egiten dugu lan». Bi partida falta zaizkio binakakoaren ligaxka bukatzeko, eta Abel Barriolak eta berak ez dute finalerdietan sartzeko aukerarik.
