Sistema honekin, Irujo-Barriola bakarrik geratu dira kanpoan zazpi punturekin; aurten agian ez dira nahikoa
Gara. Futbol talderik apalenek 42 puntutan jartzen dute denboraldiko helburua, kopuru horretara iristeak normalean maila mantentzeko balio izaten duela sinetsita. Binakako pilota txapelketan zazpi garaipen edo puntuk markatu ohi dute muga. Baloia bezala, pilota ere borobila da, zorionez buelta asko ematen ditu eta normalean nahikoa izaten diren zazpi garaipen horiek eskas gera daitezke borroka horretan dauden bikoteetako batentzat.
