Logroñoko feriak 10 jaialdi izango ditu eta, sanferminetako lehiaketa sistema berarekin, bi aurre-kanporaketa jokatuko dira lehen bi egunetan
Irailaren 20an hasi eta 29an amaitu, hamar esku pilota jaialdi izango ditu orain arte inoiz jokatu den sanmateotako feriarik luzeenak, bederatzi binakako torneoari dagozkionak eta bestea ohikoa den Olioaren Desafioarena. Iruñekoarekin batera, Logroñoko hau da udako torneoetan garrantzitsuena, eta hori horrela, sanferminetako lehiaketa sistema bera erabiliko dute, enpresa bakoitzeko bina bikotek aurre-kanporaketa bat jokatu beharko dutelarik.
