Esparru nafarran, Altuna III-Mariezkurrena eta Jaka-Martija bikoteek neurtuko dituzte indarrak. Ezkurdiak eta Ladis Galarzak Olaizola II eta Rezustaren aurka Errioxako hiriburuan jokatuko dute
EITB.eus. Iruñeko Labrit eta Logroñoko Adarraga frontoiak Binakako Txapelketaren play-offetako eszenatokiak izango dira. Bertan erabakiko da jada sailkatuak dauden Elezkano-Zabaleta eta Peña-Albisu bikoteekin nork jokatuko duen finalerdietako ligaxka.
