Zazpigarren puntua batuta, Altuna III.a-Martija finalerdiei begira jarri dira. Ezkurdia-Zabaletak pauso garrantzitsua eman dute 22-21 irabazita
Berria. Ez dago gehiago eskatzerik. Gaurko partidaren faltan, hiru jardunaldi baino ez ditu faltako Binakako Txapelketak lehen ligaxka amaitzeko, eta argitzeko dago dena. Herenegun, Irribarria-Jaunarenari irabazita, finalerdietan dira matematikoki Elezkano II.a- Rezusta. Oso litekeena da Aspeko beste bikote bat ere lau onenetan izatea, horretarako aurrerapauso nabarmena eman baitzuten atzo Altuna III.ak-Martijak, Urrutikoetxea-Untoria 22-11 mendean hartuta. Hortik aurrera, saltsa da nagusi. Olaizola II.a-Imazi tanto bakar batez irabazita, Ezkurdia-Zabaleta lehia betean sartu dira, eta dagoeneko berdindu dituzte sailkapenean Olaizola II.a eta Imaz. Hots, atzetik dituzten bikote gehienak ere bizirik daude.