Ezkurdiak eta Zabaletak puntu garrantzitsua lortu dute partida oso gogor batean. Lasok erakustaldia eman du Markinan (22-10)
Berria. Binakako Txapelketako ligaxka astez aste estutzen ari da, atzetik zebiltzan bikoteak esnatu egin baitira. Atzoko emaitzek joera hori areagotu dute, eta, gaurko partidaren zain, bost bikote daude garaipen bakarraren tartean. Iruñean, Ezkurdiak eta Zabaletak ondo kostata irabazi zieten Irribarria eta Merinori (22-19); Zabaletak agindu arren, Ezkurdiak ez baitzuen egun ona izan errematean. Markinan (Bizkaia), berriz, Unai Lasok eman zuen ikuskizuna (22-10). Albisuk nahi bezala agindu zuen, eta aurrelariak hamazazpi tanto egin zituen.
