Aurreneko bikoteak 9-22 irabazi dio Urrutikoetxea-Arangureneri, eta bigarrenak 11-22 Altuna III.a-Martijari
Berria. Laso-Imaz eta Irribarria-Rezusta bikoteek binakako txapelketako lehen puntua lortu zuten atzo nagusitasun osoz. Laso-Imazek hasieratik goitik behera menderatu zituzten Urrutikoetxea-Aranguren, Iruñeko Labriten: 9-22. Imaz nagusi izan zen atzeko koadroetan, eta oiartzuarrak jarri zuen lehiaren erritmoa. Aranguren, berriz, deseroso zebilen; defentsan gehiago aritu zen erasoan baino. Aurrean, Lasok hankapean ibili zuen Urrutikoetxea. Nafarrak abiada handiz jokatu zuen.
