Manomanista perfektuaren prototipoa, adimen artifizialaren beharrik gabe

Altuna III eta Laso

Unai Lasok, sotamanoz pilota oso atzean jarrita, partidaren lehen txanpan zailtasunetan jarri bazuen ere, Jokin Altunak joko erakustaldi latza eman zuen eta egungo txapeldunaren jokoa erabat deskonektatu zuen, bere hautagaitza are gehiago sendotuz.

Oraintxe horren puri-purian dagoen adimen artifizialeko tramankulu horietako bati manomanista perfektu baten prototipoa egiteko eskatuko bagenio, traste horrek ziurrenik atzo Bilbon jokatu zuen Jokin Altunaren oso antzeko abatar bat emango liguke erantzun moduan. Fisikoki aspaldi baino freskoago, sufritzea tokatu zitzaionean hortzak estutzeko gai, taktikoki erabaki guztiak zuzen hartuz -nahiko lukete Chat GPT eta antzekoek halako eraginkortasunik- eta teknikoki apenas akatsik gabe, amezketarrak pilota bakoitza nahi zuen lekuan ere jarriz, sekulako erakustaldia eman zuen. Iaz leku beran kanporatu zuen Unai Laso txapeldunari aurkaria txalotzea besterik ez zitzaion geratu, tamainako erakustaldiaren ondoren.

Gehiago irakurri.

Etiquetas / Etiketak: altuna III, Laso
Previous Post
Altuna III mete miedo en el frontón Bizkaia
Next Post
Aspe, 7; Baiko, 0