Markari eutsi, edo markak hautsi

Jokin Altunak eta Aitor Elordik buruz buruko finala jokatuko dute gaur, Bilboko Bizkaia pilotalekuan. Amezketarra aterako da nabarmen faborito, baina finalak arrisku handia duela ohartarazi dute adituek

Egungo izarra batetik, eta urtebetean jauzirik handiena eman duen pilotaria bestetik. Horiexek neurtuko dira gaur buruz buruko finalean, urteko egunik handienean, Bilboko Bizkaia pilotalekuan (ETB1, 17:15). Lau egunen aldea besterik ez dute bi protagonistek. 1996ko martxoaren 23koa da Aitor Elordi; lau egun geroago, martxoaren 27an jaiotakoa da Jokin Altuna. Kasik ez dute alderik adinean, baina aldea ezarri nahi dute kantxan, eta txapela helburu dutela lehiatuko dira. Garaipen zerrendan badute aldea, banaka hirugarren txapela bailuke gipuzkoarrak. Estreinakoa bizkaitarrak. Berme gehiago ematen duelako edo, oso faborito izango da Altuna III.a, eta apustu etxeetan nabarmen dago dirua haren alde. Euro bakoitzeko 30 zentimo ordaintzen dute haren garaipena; bi euro eta hogei zentimo Elordirena. Baina aditu denek ohartarazi dute arrisku handia duela finalak, eta partidan edozer gertatzea espero da.

+ info: https://www.berria.eus/paperekoa/1943/026/001/2023-06-04/markari-eutsi-edo-markak-hautsi.htm.

Etiquetas / Etiketak: altuna III, Elordi
Previous Post
Altuna-Elordi, un pulso más que prometedor
Next Post
Elordi se interpone entre Altuna III y las leyendas