Leitzarrak txapelketa ofizial batean jokatuko duen azken partida izan daiteke 22ra heltzera lortuko ez balu eta lehia berezia izango da, bai beretzat eta baita Jokin Altunarentzat. «Pilotari handi bat baino gehiago, asko miresten dut pertsona bat ere bada eta ilusio berezia egiten dit», azaldu du
Gara. Lau eta Erdiko finalerdietarako azken txartela banatzeaz harago, sentimentalki ere oso partida berezia da astelehenean Beotibarren Oinatz Bengoetxeak eta Jokin Altunak elkarren artean jokatu behar dutena. Izan ere, 22ra heltzera lortuko ez balu, Tolosakoa izan daiteke leitzarrak lehen mailako txapelketa batean jokatzen duen azken partida. Urtearekin batera amaitzen zaio Baikokoari kontratua eta Kortatuk bere azken diskoarekin egin bezala, azken guda dantzarekin ere gozatu eta gozarazi nahi luke.
