Binakako ligaxkako lehen itzulia bukatu da, eta neurketa gehienak parekatuak izan dira. Aurreneko seikotean Aspek hiru bikote ditu; Baikok, beste horrenbeste. Jokin Etxaniz eta Pablo Berasaluze bi enpresetako teknikariek balantzea egin dute txapelketak orain arte eman duenaren inguruan.
Azaroaren 11n ekin zitzaion aurtengo Binakakoari, Berriozarren (Nafarroa), eta ordutik beste 27 partida jokatu dira, zazpi jardunalditan banatuta. Bada, aurreneko ligaxkako lehen itzulia amaitu da, eta zenbaitek hartu dute papera eta boligrafoa txapelketak orain arte eman duena ongi xehatzeko. Jokin Etxaniz Aspeko zuzendari teknikoa (Bergara, Gipuzkoa, 1970) eta Pablo Berasaluze Baikoko teknikaria (Berriz, Bizkaia, 1977) zeregin horretan dabiltza.
Leer más | Guztia irakurri: https://www.berria.eus/paperekoa/1925/018/001/2022-01-05/oreka-desorekaren-gainetik.htm.
