Astebete atzeratu dute buruz buruko finala, Iñaki Artolak eskuin sorbaldaren atzealdeko muskulu zabaleko lesioa baitu. Ikusteko dago osatuko den, eta, osatuta ere, nola iritsiko den
Berria. Buruz Buruko Txapelketako finala ez da jokatuko hilaren 13an; astebete geroago jokatuko da, hilaren 20an, hain zuzen. Iñaki Artolak eskuin sorbaldaren atzealdeko muskulu zabaleko lesioa du, eta finala astebete atzeratzeko eskatu zuen atzo. Borja Oses Eskuz Pilotako Enpresen Ligako (EPEL) epaile bakarrak onartu egin zion eskaera, txapelketaren araudiak horretarako aukera ematen baitu.
