Julen Martijak ez daki finala igandean baldin bada jokatu ahal izango duen. Astebete darama bakartuta, PCR proba batean koronabirusean positibo eman zuenetik. Irrikan da medikuak deitu eta berriro proba egiteko. «Baikorra» izan nahi du
Berria. Epaitegietan dago Binakako Txapelketako finala. Beranduenez, epaileak bihar erabakiko du ELA sindikatuak eskatutako kautelazko neurriak onartu eta igandean jokatzekoa den finala atzeratuko duen edo hasierako datari eutsiko dion. Horri begira dago Julen Martija ere (Etxeberri, Nafarroa, 1997); Enpresen Ligako Lehiaketako epaileak hartutako erabakiaren arabera, hura eta Joseba Ezkurdia ariko dira Aimar Olaizolaren eta Mikel Urrutikoetxearen aurka txapela irabazteko lehian.
