Aurten, estreinakoz, Aspek eta Asegarcek hamar pilota aukeratu zituzten finalerdietarako eta finalerako, horietan zein pilotari ariko ziren jakin gabe. Mikel Urrutikoetxea eta Oinatz Bengoetxea ados azaldu dira formatu berriarekin
Berria. Arazorik gabe joan da Urrutikoetxearen eta Bengoetxea VI.aren pilota aukeraketa, Iruñean, Labrit pilotalekuan. Zaratamoarra eta leitzarra larunbat honetan ariko dira elkarren aurka, Banakako Txapelketako lehen finalerdian —Iker Irribarriak eta Beñat Rezustak jokatuko dute bestea, igandean, Eibarren—. Biek ala biek partida bakarra jokatu dute aurtengo txapelketan. Irabazi egin zuten, eta horri esker daude finalerdietan.
