Artolak igandeko finala jokatzearen inguruan hartuko duen erabakiaren zain, Jokin Altunak partida garrantzitsu hori ahalik eta hobekien prestatzen jarraitzen du. Atzo arratsaldean egin zuen azken entrenamendu handia Bilboko Bizkaia pilotalekuan
Gara. Final bat jokatu atarian aurkaria nor den jakin gabe aritzea ez da batere normala. Baina, gaiaren inguruan Jokin Altunak uste dituenak aurreko astean nahikoa argi utzi zituenez, bestelako kontuez aritzeko aukera polita ere izan daiteke, esaterako, 25 urteko gazte batek nola eraman duen pandemiaren erdian lau txapelketa jokatu eta hiru finaletara sailkatzea, horrek dakarren presio guztiarekin. Kantxan bezala, hizketan erakusten duen heldutasuna ere ez da, inolaz ere, batere normala.
