Elezkano II.a-Rezustak hirugarren garaipena lortu dute ligaxkan, Astelenan, Ezkurdia-Zabaletari nagusitasun osoz irabazita (22-6)
Berria. Eguberri eguna, betekada eta giro ederra Astelenan, bikote politak… Itxura bikaina zuen Ezkurdia-Zabaletaren eta Elezkano II.a-Rezustaren arteko partidak, Binakako Txapelketako bosgarren jardunaldiko azkenekoak. Bada, eskerrak harmailak lepo bete zituzten zaleei. Haiek bai eman zuten ikuskizuna, une oro kantatuz. Kantxan, ordea, ikuskizun eskasa izan zen. Elezkano II.a-Rezustak 22-6 irabazi zuten lehia eskasean. Hirugarren garaipena dute, eta puntu aldeari esker, bigarren dira.
