Jokin Altunak eta Unai Lasok lau eta erdiko finala jokatuko dute gaur, Bilboko Bizkaia frontoian. Gipuzkoarra da faborito, 100-40ri, baina nafarrak hortzak ongi zorroztuta ditu
Berria. Lau eta erdikoak buruz burukoaren adinako prestigio eta historia ez baditu ere, inortxok ez du ezbaian jartzen pilotako diziplinarik laburrena erakargarria ez denik. Aurreko koadroetan metatzen diren joko azkarrak, abiadurak, neke fisikoak zein psikologikoak egiten dute lau eta erdikoa erakargarri. Bada, Jokin Altunak eta Unai Lasok eltze bero horretako finala jokatuko dute gaur, Bilboko Bizkaia frontoian (16:40, ETB 1). Bi pilotari gazteen arteko demak ikusmin handia sortu du pilotazaleen inguruan.
