Bigarren urtez jarraian, lau eta erdiko txapela jantzi du nafarrak. Oso pozik dago, harro, baina lanean jarraitu beharra daukala aitortu du
Berria. Munduan ez dira asko izango biharamuneko buruko minak jota pozez gainezka igarotzen dutenak astelehena, baina Joseba Ezkurdiak halaxe igaro zuen atzoko eguna, eta ez zen gutxiagorako. Besteak beste, lau eta erdiko bigarren txapela jantzi baitzuen bezperan, Iruñean, Nafarroa Arena pilotalekuan, Jokin Altunari 22-16 irabazita. Apustuak nabarmen kontra izan arren, pronostikoak hautsi eta garaipen handia eskuratu zuen Arbizukoak.