Albisuk aitortu du «min» egin diela Olaizola II.a-Arangurenen aurka «itxura eskasa» emanda galtzeak. Baina hurrengo bi partidetan jarria du itxaropena. «Gurea ematen badugu, aukera dugu finalean egoteko»
Berria. Bi egun joan dira Unai Lasok eta Jon Ander Albisuk (Ataun, Gipuzkoa, 1990) Aimar Olaizolaren eta Aitor Arangurenen aurka 22-10 galdu zutenetik. Albisuk aitortu du «gutxi gorabehera» pasatu zaiola «disgustua». Ez dio buelta gehiago eman nahi, eta «aurrera begira» dago jada; larunbatean, Iruñean, Erik Jakaren eta Jose Javier Zabaletaren aurka jokatuko duten «partida erabakigarriari» begira.
