Azken bost lehietatik hiru irabazita, Artola-Aranguren bete-betean sartu dira kanporaketa jokatzeko lehian. Atzelariak argi du zein izango den gakoa: «Gogorrak izan behar dugu, huts gutxi egin eta aukerak baliatu»
Berria. Aitor Aranguren (Aginaga, Gipuzkoa, 2000) lehen aldiz ari da jokatzen binakakoa titular gisa. Azkenekoan, hiru partida jokatu zituen ordezko moduan, eta ondo aritu zen: bi irabazi zituen, eta bat galdu. Aitortu duenez, «aldea» dago orduko eta oraingo egoeraren artean. «Orain, presio handiagoa dut, baina ari naiz ohitzen. Gero eta hobeto ari naiz».
