Zortzi jardunaldi igaro ondoren, hautsi xamar dago sailkapena goitik zein behetik. Txapela irabazteko faboritoak hirugarren eta laugarren daudela uste du Aretxabaletak: Elordi-Zabaleta eta Artola-Mariezkurrena
Gabonetako maratoiaren ondotik, duela hilabete bezalaxe dago Binakako Txapelketako sailkapena. Abenduaren 15ean jokatu zen hirugarren jardunaldiko azken partida, Bartzelonan. Bada, hogei egunen buruan bost jardunaldi jokatu ondoren, bere horretan jarraitzen dute zortzi bikoteek. Postu berean, alegia. Hautsita dago sailkapena goitik zein behetik, ohiko emoziorik gabe. Unai Laso-Martxel Iztuetak eta Joseba Ezkurdia- Beñat Rezustak ongi bideratua dute lehen bi postuen artean sailkatzeko bidea. Kontrara, txapelketatik kanpo hanka bat dute Jon Ander Peña-Jon Ander Albisuk, eta batez ere Peio Etxeberria-Julen Martijak. Dena den, sei jardunaldi falta dira oraindik lehen fase luzea amaitzeko, eta inork ez du esan azken hitza.
Content retrieved from: https://www.berria.eus/kirola/maratoiaren-aurretik-bezala-dago-binakako-txapelketa_2135832_102.html.
