Markatutako ibilbideari leialago, bere laugarren finalean da Jokin Altuna

Erasoan egunik distiratsuena izan ez bazuen ere, garaipen erosoa lortu zuen Jokin Altunak Ezkurdiaren aurka

Hasieratik oso deseroso, Joseba Ezkurdiak ez zuen partidan sartzea lortu eta erraztasun handiak eman zizkion bere Buruz Buruko hirugarren txapeletik pauso bakarrera dagoen amezketarrari. Dario eta Aitor Elordik gaur jokatuko dute euren finalerdia.

Txapelerako bide zuzenik ez dagoen arren, are gutxiago hasi eta buka, dena nahieran joatea salbuespena den Buruz Burukoan, garrantzitsua izaten da bide-orri bat izan eta hari ahalik eta fidelena izatea. Fisikoki arazorik gabe, egun batzuetan ikusleak txundituz eta, atzo bezala, lehiakortasunari eutsiz besteetan, Jokin Altuna aspalditxotik bere buruari ezarritako helburutik pauso bakarrera dago, Joseba Ezkurdiari uste baino errazago gailenduta; bere Manomanistako laugarren finala jokatuko baitu ekainaren 4an, gaur Gasteizen elkarren aurka jokatuko duten Dario edo Aitor Elordiren aurka.

Etiquetas / Etiketak: altuna III, ezkurdia
Entrada anterior
Jokin Altuna finalean izango da, Ezkurdiari irabazi ondoren
Entrada siguiente
Altuna III jugará su cuarta final del Manomanista