Pilotari iraultzaile eta txapeldun ildoak oinarri hartuta, haren ibilbidea errepasatuko du ETB1ek asteazken honetan emango duen saioak
El Diario Vasco. ‘Martinez de Irujo, bihotzaren iraultza’ dokumentala eskainiko du ETB1ek asteazken honetan. Esku pilotaren historian leku berezia izango du Juan Martinez de Irujok. Irabazi dituen txapelaz haragokoa da Irujoren eragina esku huskako modalitatean. Zikloi baten moduan sartu zen profesionaletan, eta halatsu utzi behar izan du pilota. Ez du inor epel utzi, ez pilotari zen garaian eta ezta agurrean ere. Bihotzeko gaitz batek erretiratu du Iberoko aurrelaria kirol profesionaletik.