Oinatz Bengoetxea eta Aimar Olaizola laugarrenez ariko dira elkarren aurka Lau t’erdiko Txapelketan, bihar. Beti irabazi du Goizuetakoak
Berria. Oso adierazgarria da estatistika: lau aldiz jokatu dute elkarren aurka Oinatz Bengoetxeak eta Aimar Olaizolak Lau t’erdiko Txapelketan, eta beti irabazi du Goizuetakoak. Hirutan nagusitu da final-laurdenetako ligaxkako estreinakoan: 2012an eta 2014an, 22-13, eta 2016an, 22-19. Beste behin, berriz, finalean lortu zuen garaipena, 2012an, 22-9. Argi dago: neurria hartua dio Olaizola II.ak Bengoetxea VI.ari; bai, behintzat, diziplina horretan.
