Autokritika egin du Albisuk; binakako txapelketan bere maila ez duela eman onartu du, eta ez du ukatu bizkarrekoa izan dela finalerdietan ez sartzea. Garbi du erregulartasun eza dela zuzendu beharreko gabezia
Berria. Eguerdia da Daniel Ugarte pilotalekuan. Pilota aukeraketa egin berri du Jon Ander Albisuk (Ataun, Gipuzkoa, 1990). Etziko partidarako aukeraketa izan da, deus ere jokoan izango ez duen partida bat. Unai Lasorekin jokatuko du, hark ordezkatu baitzuen Victor Esteban maila apalagatik kanporatu zutenean. Albisu irribarretsu dago, baina autokritika ekintza bat bihurtu du elkarrizketa.