Irribarriari eta Zabaletari 22-19 irabazi eta gero, binakako txapeldun gisa lehen eguna zuten atzo Elezkanok eta Rezustak. «Pozik» zen Rezusta; «hunkituta» Elezkano. Bien arabera, finala ez zen «polita» izan, baina bai «gogorra»
Berria. Igandean jantzi zuten binakako txapela Danel Elezkanok eta Beñat Rezustak. Ondoren, ospakizunak iritsi ziren, eta atzokoa txapelaz gozatzeko lehen eguna izan zen, lortutakoaz jabetzekoa. Lehen txapela zen Elezkanorentzat, eta bigarrena Rezustarentzat. Eibarren (Gipuzkoa) jaso zuten zaleen berotasuna.
