Azkenaldian jokoan izan duen hobekuntzak udako Mastersean titular izateko aukera eman dio anoetarrari
Gara. Binakakoaren pisutik urrun badago ere, torneorik ezean, udako Mastersak garrantzi handia hartu du pilotaren egutegian; batik bat, txapelketa horretarako aukeratutakoek ziurtatuta baitute, gutxienez zazpi astez, estelarrak jokatzea. Eta hori sari handia da, Xabi Tolosa bezala, onenen artean oraindik finkatu ez eta Promozio maila txiki geratzen zaien pilotarientzat. Horrexegatik, anoetarra pozarren dago, azkenaldi luze honetan egin duen lan ona sarituz, Aspek bere lau atzelaririk onenen artean aukeratu duela eta.