Eibarko enpresak beste bi urterako luzatu dio kontratua une gozoa bizitzenari den Lizartzako aurrelariari. 2019an 18 partida jokatu ditu eta 16 irabazi
Gara. Aspek atzo jakinarazi zuen Erik Jakaren kontratua beste bi urterako luzatu duela. Lizartzako aurrelariak 2020ra arteko lotura zeukan Eibarko enpresarekin, eta akordio berriari esker lotura hori 2022ra arte luzatuko da. Albistea ez da harritzekoa, izan ere, gipuzkoarra sekulako jokoarekin dabil azken denboraldi luzean eta beretzako amaitu berri den Buruz Buruko Txapelketan ere argi utzi du onenekin lehiatzeko gai dela.
