Urrutikoetxeak eta Irribarriak orain hiru urteko finala errepikatuko dute, oso bestelako egoeran
Gara. Urteko txapelik preziatu eta estimatuaren bila jokatuko dute datorren ekainaren 2an, Bilbon, Mikel Urrutikoetxeak eta Iker Irribarriak Buruz Buruko finala. 2016ko finala errepikatuko da, hortaz, hemendik bi astera Miribillako pilotalekuan. Aramarra nagusitu zen orduko hartan, erraz samar gainera, 13-22, baina txapelketa guztiak desberdinak izateaz harago, pilotari bakoitza heltzen den unea ere erabat bestelakoa izango da.
