Ezkurdiak ikuskizuna eman du aurreko koadroetan, eta nafarrek une oro kontrolpean izan dute neurketa. Sailkapenean bosgarren dira
Berria. Binakako Txapelketan aurrera jarraitzeko pauso sendoa eman dute gaur Joseba Ezkurdiak eta Ladis Galarzak Logroñoko Adarraga pilotalekuan (Errioxa, Espainia). Nafarrek bost puntu dituzte, eta, gaurko garaipenari esker, aurrea hartu diete Jaka-Martijari eta Urrutikoetxea-Imazi. Artolak eta Arangurenek, gutxi badira ere, aukerak dituzte oraindik; falta zaizkien bi neurketak irabazi beharko dituzte, eta Urrutikoetxea-Imazen porrot bat itxaron.
