Agirrek 8-6 estutu du hasieran arbizuarra, baina lehen jokaldiarekin min eginez 20-6ra joan da zuzenean.
Joseba Ezkurdiak 22-7 menderatu zuen Asier Agirre atzo Zarauzko Aritzbatalde pilotalekuan eta Buruz Buruko Txapelketako final-laurdenak jokatzeko txartela eskuratu zuen. Arbizuko aurrelariak ez zuen arazo handirik izan pronostikoak betetzeko, eta bera izango da ligaxkan Altuna, Zabaleta eta Darioren multzoa osatuko duena.
