Artola on eta serio batek lagunduta, ondo gainditu zituzten aukera aprobetxatu ez zuten Jaka eta Zabaleta
Gara. Inork gutxik espero zezakeen arren, Ander Imaz izaten ari da, emaitzei begiratuta bederen, udako pilotaria, bihar Donostian sasoiko laugarren finala jokatuko baitu, Artola lagun, Jaka-Zabaletari 17-22 irabazita. Bide batez, Baiko ere kontra zuen haizea alde jartzen ari zaiola nabaritzen ari da, eta Gasteizen eta Bilbon bere bikoteek garaipena eskuratu ostean, Donostian ere titulua eurentzat izango da, Olaizola II.a-Albisu izango baitira gipuzkoarren arerioak.
