Elezkano II.ak eta Zabaletak bosgarren puntua eskuratu dute Binakako Txapelketan, Urrutikoetxeari eta Imazi 16-22 irabazi eta gero, Bastidan
Berria. Danel Elezkanok printzipio batzuk dauzka kantxetan, pilotan jokatzeko moduari dagokionez. Pilotariak berak onartu zuen atzo, Binakako Txapelketan bosgarren aldiz 22ra heldu eta gero: «Printzipio batzuk dauzkat pilotan aritzeko jokatzeko moduari dagokionez, eta lotsa ematen badit ere esatea bost partida irabazi ondoren, esan egingo dut gaur [atzo] arte ez naizela nire printzipio horiekin aritu». Segituan eman zuen azalpena, aurrez esandakoa osatze aldera, eta ederki uztartzen dira hitz horiek lehentxeago partidan egin zuen jokoarekin.
