Aspek erabaki du Elezkano II.ak ordeztuko duela Irribarria larunbatean
Berria. «Aspek apustu egin du sasoikoen dauden pilotarien alde, atarikoa jokatzea ziurtatzeko. Horregatik, Elezkano II.ak ordezkatuko du Irribarria. Arrazoi batzuk edo besteak medio, Irribarria-Rezustak ez dituzte emaitza onak eskuratu. Gaur-gaurkoz, Elezkano II.a-Rezusta dirudi bikoterik aproposena atarikorako sailkatzeko». Halaxe jakinarazi zuen atzo Aspe enpresak Danel Elezkanok ordezkatuko duela Iker Irribarria larunbat honetan, Iruñean, Unai Lasoren eta Jon Ander Albisuren aurkako partida erabakigarria jokatzeko.
