Berria. Enpresen Ligak atzo jakinarazi zuen zein egunetan eta zein pilotalekutan jokatuko dituzten Binakako Txapelketako finalerdietako ligaxkako sei partidak. Bi aste barru ekingo diote bigarren ligaxkari, martxoaren 9an, eta, lehen partidan, Elezkano II.a-Rezusta eta Victor-Albisu ariko dira, Iruñean, Labrit pilotalekuan. Hurrengo egunean, berriz, Altuna III.a-Martijak eta Irribarria-Zabaletak neurtuko dituzte indarrak, Eibarren, Astelena frontoian.
