Ez diete inolako aukerarik eman Ezkurdia eta Tolosari eta lehen bi postuen borrokan jarraituko dute
Gara. Irribarriak eta Rezustak seigarren puntua lortu zuten atzo Binakako Txapelketako ligaxkan Ezkurdia eta Tolosari Bilbon 10-22 irabazi ostean. Oso faborito irten ziren hasieratik urdinak, eta pronostikoak ez zuen hutsik egin batere distirarik izan ez zuen neurketa tristean. Guztira galdutako 19 pilota zenbatu genituen eta Bizkaia pilotalekuan izan zen sarrera apalak ez zuen batere lagundu giroa berotzen.
