Jaka debutariak dotore jokatu du, eta Zabaletak menderatu egin du Rezusta atzeko koadroetan, lehen jardunaldiko partidan, Bergaran.
Berria. Ezustea izan da Bergarako pilotalekuan gaur, Binakako Txapelketako lehen jardunaldian. Jaka debutariak eta Zabaletak astindua eman diete Irribarria eta Rezustari (22-5), eta lehen puntua eskuratu dute. Kontuan hartzeko bikotea dira gaurko garaileak, baina hainbesteko aldearekin nagusitzea txapelketa irabazteko faborito handienetakoa den bikoteari ez zen inola ere espero.
